ਭਾਰਤ ‘ਚ ਵਿਕਣਗੀਆਂ ਟੇਸਲਾ ਕਾਰਾਂ! ਕੰਪਨੀ ਦਿੱਲੀ ਵਿੱਚ ਲੱਭ ਰਹੀ ਹੈ ਸ਼ੋਅਰੂਮ ਲਈ ਜਗ੍ਹਾ

ਇਲੈਕਟ੍ਰਿਕ ਵਾਹਨ ਨਿਰਮਾਤਾ ਕੰਪਨੀ ਟੇਸਲਾ ਜਲਦ ਹੀ ਭਾਰਤੀ ਕਾਰ ਬਾਜ਼ਾਰ ‘ਚ ਐਂਟਰੀ ਕਰ ਸਕਦੀ ਹੈ। ਰਿਪੋਰਟਾਂ ਮੁਤਾਬਕ ਕੰਪਨੀ ਦਿੱਲੀ ‘ਚ ਆਪਣਾ ਪਹਿਲਾ ਸ਼ੋਅਰੂਮ ਖੋਲ੍ਹਣ ਲਈ ਜਗ੍ਹਾ ਲੱਭ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਦੇ ਲਈ ਟੇਸਲਾ ਨੇ ਰੀਅਲ ਅਸਟੇਟ ਡਿਵੈਲਪਰ DLF ਨਾਲ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ ਪਰ ਟੇਸਲਾ ਅਤੇ ਇਸ ‘ਤੇ DLF ਵੱਲੋਂ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਗਿਆ ਹੈ। ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਲ ਦੇ ਸ਼ੁਰੂ ਵਿੱਚ ਟੇਸਲਾ ਨੇ ਇੱਥੇ ਨਿਵੇਸ਼ ਕਰਨ ਦੀ ਆਪਣੀ ਯੋਜਨਾ ਨੂੰ ਰੋਕ ਦਿੱਤਾ ਸੀ। ਪਰ ਹੁਣ ਕੰਪਨੀ ਨੇ ਭਾਰਤ ਵਿੱਚ ਕਾਰੋਬਾਰ ਸ਼ੁਰੂ ਕਰਨ ਬਾਰੇ ਮੁੜ ਵਿਚਾਰ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।

ਰਾਇਟਰਸ ਦੇ ਅਨੁਸਾਰ ਟੇਸਲਾ ਦਿੱਲੀ ‘ਚ ਕੰਜ਼ਿਊਮਰ ਐਕਸਪੀਰੀਅੰਸ ਸੈਂਟਰ ਬਣਾਉਣ ਲਈ ਕਰੀਬ 5,000 ਵਰਗ ਫੁੱਟ ਦੀ ਜਗ੍ਹਾ ਲੱਭ ਰਹੀ ਹੈ। ਇਸ ਨੂੰ ਇਸਦੀ ਡਿਲਿਵਰੀ ਅਤੇ ਸੇਵਾ ਸੰਚਾਲਨ ਲਈ ਤਿੰਨ ਗੁਣਾ ਜ਼ਿਆਦਾ ਜਗ੍ਹਾ ਦੀ ਲੋੜ ਹੈ। ਟੇਸਲਾ ਦੱਖਣੀ ਦਿੱਲੀ ਵਿੱਚ ਡੀਐਲਐਫ ਦੇ ਐਵੇਨਿਊ ਮਾਲ ਅਤੇ ਗੁਰੂਗ੍ਰਾਮ ਵਿੱਚ ਸਾਈਬਰ ਹੱਬ ਦਫ਼ਤਰ ਅਤੇ ਰਿਟੇਲ ਕੈਂਪਸ ਸਮੇਤ ਕਈ ਸਾਈਟਾਂ ਨੂੰ ਦੇਖ ਰਿਹਾ ਹੈ। ਟੇਸਲਾ ਐਵਨਿਊ ਮਾਲ ‘ਚ ਸ਼ੋਅਰੂਮ ਲਈ 8,000 ਵਰਗ ਫੁੱਟ ਜਗ੍ਹਾ ਚਾਹੁੰਦੀ ਹੈ। ਪਰ ਅਜੇ ਤੱਕ ਕੁਝ ਵੀ ਤੈਅ ਨਹੀਂ ਹੋਇਆ ਹੈ।

ਹੁਣ ਤੱਕ ਮਿਲੀ ਜਾਣਕਾਰੀ ਮੁਤਾਬਕ ਟੇਸਲਾ ਲੰਬੇ ਸਮੇਂ ਤੋਂ ਭਾਰਤ ‘ਚ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੀ ਹੈ ਪਰ ਹੁਣ ਤੱਕ ਇਹ ਯੋਜਨਾ ਸਫਲ ਨਹੀਂ ਹੋ ਸਕੀ ਹੈ। ਅਜੇ ਇਹ ਤੈਅ ਨਹੀਂ ਹੋਇਆ ਹੈ ਕਿ ਕੀ ਟੇਸਲਾ 100 ਫੀਸਦੀ ਟੈਕਸ ਦਰ ‘ਤੇ ਕਾਰਾਂ ਦੀ ਦਰਾਮਦ ਕਰੇਗੀ ਜਾਂ ਨਵੀਂ ਇਲੈਕਟ੍ਰਿਕ ਵਾਹਨ ਪਾਲਿਸੀ ਦੇ ਤਹਿਤ ਭਾਰਤ ਵਿੱਚ ਨਿਵੇਸ਼ ਕਰੇਗੀ, ਜਿਸ ਵਿੱਚ ਕੁਝ ਈਵੀਜ਼ ਉੱਤੇ 15 ਪ੍ਰਤੀਸ਼ਤ ਟੈਕਸ ਹੈ। ਇਸ ਤੋਂ ਪਹਿਲਾਂ ਇਹ ਵੀ ਜਾਣਕਾਰੀ ਸਾਹਮਣੇ ਆਈ ਸੀ ਕਿ ਟੇਸਲਾ ਭਾਰਤ ‘ਚ ਇਲੈਕਟ੍ਰਿਕ ਕਾਰਾਂ ਬਣਾਉਣ ਦਾ ਪਲਾਂਟ ਲਗਾ ਸਕਦੀ ਹੈ।

ਇਹ ਵੀ ਪੜ੍ਹੋ…Year – end discount offer : ਨਵੀਂ ਕਾਰ ਖਰੀਦਣ ਤੇ ਕਰੋ ਲੱਖਾਂ ਦੀ ਬੱਚਤ, ਜਾਣੋ ਕਿਹੜੀ ਕੰਪਨੀ ਦੇ ਰਹੀ ਹੈ ਸਭ ਤੋਂ ਵੱਧ ਡਿਸਕਾਊਂਟ

ਟੇਸਲਾ ਦੇ ਆਉਣ ਨਾਲ ਕੀ ਫਰਕ ਪਵੇਗਾ?
ਜੇਕਰ ਟੇਸਲਾ ਦੀ ਭਾਰਤ ਵਿੱਚ ਐਂਟਰੀ ਹੁੰਦੀ ਹੈ, ਤਾਂ ਲਗਜ਼ਰੀ ਇਲੈਕਟ੍ਰਿਕ ਕਾਰ ਗਾਹਕਾਂ ਨੂੰ ਇੱਕ ਬਿਹਤਰ ਵਿਕਲਪ ਮਿਲੇਗਾ। BMW, ਔਡੀ ਅਤੇ ਮਰਸਡੀਜ਼ ਵਰਗੇ ਬ੍ਰਾਂਡਾਂ ਲਈ ਇੱਕ ਵਾਰ ਫਿਰ ਤਣਾਅ ਦਾ ਮਾਮਲਾ ਹੋ ਸਕਦਾ ਹੈ, ਕਿਉਂਕਿ ਟੈਸਲਾ ਤਕਨਾਲੋਜੀ ਦੇ ਮਾਮਲੇ ਵਿੱਚ ਇਹਨਾਂ ਜਰਮਨ ਕਾਰ ਕੰਪਨੀਆਂ ਨੂੰ ਕੜੀ ਟੱਕਰ ਦਿੰਦੀ ਹੈ। ਫਿਲਹਾਲ ਟੇਸਲਾ ਕੋਲ ਦੋ ਮਾਡਲ ਹਨ, ਮਾਡਲ ਐੱਸ ਅਤੇ ਮਾਡਲ 3, ਜਿਨ੍ਹਾਂ ਦੀ ਕੀਮਤ ਲਗਭਗ 70 ਲੱਖ ਰੁਪਏ ਹੈ।