ਕੜਾਕੇ ਦੀ ਠੰਡ ‘ਚ ਪਲੇਟਫਾਰਮ ‘ਤੇ ਸੁੱਤੇ ਲੋਕਾਂ ‘ਤੇ ਸੁੱਟਿਆ ਪਾਣੀ, ਲੋਕਾਂ ‘ਚ ਗੁੱਸਾ, DRM ਨੇ ਕੀ ਕਿਹਾ?

ਤਹਿਜ਼ੀਬ ਦੇ ਸ਼ਹਿਰ ਲਖਨਊ ਦਾ ਇੱਕ ਹੈਰਾਨ ਕਰਨ ਵਾਲਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਕੜਾਕੇ ਦੀ ਠੰਡ ‘ਚ ਸਟੇਸ਼ਨ ਦੇ ਪਲੇਟਫਾਰਮ ‘ਤੇ ਪਨਾਹ ਲੈਣ ਵਾਲੇ ਅਤੇ ਸਫਾਈ ਕਰਮਚਾਰੀਆਂ ਨਾਲ ਜੁੜਿਆ ਹੋਇਆ ਹੈ। ਵੀਡੀਓ ਦੇਖ ਕੇ ਲੋਕਾਂ ਦੇ ਦਿਲ ਕੰਬ ਰਹੇ ਹਨ ਕਿ ਇਸ ਕੜਾਕੇ ਦੀ ਠੰਡ ‘ਚ ਸੁੱਤੇ ਲੋਕਾਂ ‘ਤੇ ਪਾਣੀ ਕੌਣ ਸੁੱਟਦਾ ਹੈ? ਵਾਇਰਲ ਵੀਡੀਓ ਨੂੰ ਲੈ ਕੇ ਜਦੋਂ ਹੰਗਾਮਾ ਹੋਇਆ ਤਾਂ ਡੀਆਰਐਮ ਨੇ ਵੀ ਬਿਆਨ ਜਾਰੀ ਕਰ ਦਿੱਤਾ।

ਵਾਇਰਲ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਲਖਨਊ ਰੇਲਵੇ ਸਟੇਸ਼ਨ ‘ਤੇ ਦੇਰ ਰਾਤ ਕਈ ਲੋਕ ਸੌਂ ਰਹੇ ਹਨ। ਠੰਡ ਕਾਰਨ ਲੋਕਾਂ ਨੇ ਕੰਬਲ ਉੱਪਰ ਲਏ ਹੋਏ ਹਨ। ਇਸ ਦੌਰਾਨ ਪਲੇਟਫਾਰਮ ਦੀ ਸਫਾਈ ਕਰ ਰਹੇ ਕਰਮਚਾਰੀ ਆ ਗਏ। ਕਰਮਚਾਰੀਆਂ ਨੇ ਲੋਕਾਂ ਤੱਕ ਜਾ ਕੇ ਉਨ੍ਹਾਂ ਨੂੰ ਉਠਾਉਣ ਦੀ ਲੋੜ ਨਹੀਂ ਸਮਝੀ, ਸਗੋਂ ਪਾਣੀ ਸੁੱਟ ਕੇ ਉਨ੍ਹਾਂ ਨੂੰ ਭਜਾਉਣਾ ਸ਼ੁਰੂ ਕਰ ਦਿੱਤਾ।

ਵੀਡੀਓ ਹੋ ਗਿਆ ਵਾਇਰਲ
ਇਹ ਵੀਡੀਓ ਰੇਲਵੇ ਸਟੇਸ਼ਨ ‘ਤੇ ਚਾਹ ਵੰਡ ਰਹੇ ਇੱਕ NGO ਨਾਲ ਜੁੜੇ ਵਿਅਕਤੀ ਨੇ ਰਿਕਾਰਡ ਕੀਤਾ ਸੀ, ਜੋ ਵਾਇਰਲ ਹੋ ਗਿਆ ਸੀ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਨੇ ਸਫਾਈ ਕਰਮਚਾਰੀਆਂ ਦੀ ਕਾਰਵਾਈ ‘ਤੇ ਸਵਾਲ ਉਠਾਉਂਦੇ ਹੋਏ ਕਿਹਾ ਕਿ ਕੜਾਕੇ ਦੀ ਠੰਡ ‘ਚ ਇਸ ਤਰ੍ਹਾਂ ਪਾਣੀ ਨਹੀਂ ਸੁੱਟਣਾ ਚਾਹੀਦਾ ਸੀ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਡੀਆਰਐਮ ਦਾ ਬਿਆਨ ਵੀ ਸਾਹਮਣੇ ਆਇਆ ਹੈ।

ਇਹ ਵੀ ਪੜ੍ਹੋ…ਇੰਜੈਕਸ਼ਨ ਲਗਵਾਉਣ ਤੋਂ ਲਗਦਾ ਹੈ ਡਰ, ਹੁਣ ਰਹੋ ਟੈਨਸ਼ਨ ਫਰੀ, IIT ਬੰਬੇ ਨੇ ਬਣਾਈ ਸ਼ੌਕਵੇਵ ਸਰਿੰਜ

ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਡੀਆਰਐਮ ਦਾ ਬਿਆਨ
ਡਿਵੀਜ਼ਨਲ ਰੇਲਵੇ ਮੈਨੇਜਰ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਪਲੇਟਫਾਰਮ ‘ਤੇ ਨਹੀਂ ਸੌਣਾ ਚਾਹੀਦਾ, ਇਹ ਸੌਣ ਦੀ ਜਗ੍ਹਾ ਨਹੀਂ ਹੈ। ਰੇਲ ਗੱਡੀਆਂ ਦੀ ਉਡੀਕ ਕਰਨ ਲਈ ਵੇਟਿੰਗ ਰੂਮ ਬਣਾਏ ਗਏ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਪਲੇਟਫਾਰਮ ‘ਤੇ ਮੌਜੂਦ ਸਫ਼ਾਈ ਕਰਮਚਾਰੀਆਂ ਦੀ ਕਾਊਂਸਲਿੰਗ ਕਰਨ ਦੀ ਗੱਲ ਵੀ ਕਹੀ ਹੈ।

ਸੋਸ਼ਲ ਮੀਡੀਆ ‘ਤੇ ਅਜਿਹੀਆਂ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ
ਇਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਲਿਖਿਆ ਕਿ ਅਸੀਂ ਉਹ ਹਾਂ ਜੋ ਸਟੇਸ਼ਨ ਦੀ ਗੰਦਗੀ ‘ਤੇ ਸਵਾਲ ਉਠਾਉਂਦੇ ਹਾਂ ਅਤੇ ਪਲੇਟਫਾਰਮ ‘ਤੇ ਇਸ ਤਰ੍ਹਾਂ ਸੌਣ ਵਾਲਿਆਂ ‘ਤੇ ਕੀਤੀ ਗਈ ਕਾਰਵਾਈ ਨੂੰ ਕੋਸਦੇ ਹਾਂ, ਅਸੀਂ ਹੀ ਸਭ ਤੋਂ ਜ਼ਿਆਦਾ ਗਲਤ ਹਾਂ। ਇੱਕ ਹੋਰ ਨੇ ਲਿਖਿਆ ਕਿ ਪਲੇਟਫਾਰਮ ਨੂੰ ਸਾਫ਼ ਰੱਖਣਾ ਜ਼ਰੂਰੀ ਹੈ ਉਨ੍ਹਾਂ ਨੂੰ ਹਟਾ ਦਿੱਤਾ ਜਾਣਾ ਚਾਹੀਦਾ ਸੀ ਪਰ ਹਰ ਚੀਜ਼ ਲਈ ਇਕ ਰਸਤਾ ਹੁੰਦਾ ਹੈ । ਪਾਣੀ ਪਾ ਕੇ ਕਿਸੇ ਨੂੰ ਉਠਾਉਣਾ ਕਿਸੇ ਵੀ ਤਰ੍ਹਾਂ ਜਾਇਜ਼ ਨਹੀਂ ਠਹਿਰਾਇਆ ਜਾ ਸਕਦਾ। ਇੱਕ ਹੋਰ ਨੇ ਲਿਖਿਆ ਕਿ ਠੰਡ ਵਿੱਚ ਪਾਣੀ ਸੁੱਟਣਾ ਠੀਕ ਨਹੀਂ ਹੈ, ਕਰਮਚਾਰੀ ਸਟੇਸ਼ਨ ‘ਤੇ ਅਜਿਹੀਆਂ ਹਰਕਤਾਂ ਬਹੁਤ ਕਰਦੇ ਹਨ।