ਇੱਕ ਸਮਾਰਟਫੋਨ ਕਰੇਗਾ ਦੂਸਰਾ ਫੋਨ ਚਾਰਜ ! ਨਹੀਂ ਪਵੇਗੀ ਚਾਰਜਰ ਜਾਂ ਪਾਵਰ ਬੈਂਕ ਦੀ ਲੋੜ

ਸਾਡੇ ਨਾਲ ਅਕਸਰ ਅਜਿਹਾ ਹੁੰਦਾ ਹੈ ਕਿ ਜਦੋਂ ਅਸੀਂ ਸਫਰ ‘ਚ ਕਿਤੇ ਜਾਂਦੇ ਹਾਂ ਤਾਂ ਫੋਨ ਦੇ ਨਾਲ ਚਾਰਜਰ ਚੁੱਕਣਾ ਭੁੱਲ ਜਾਂਦੇ ਹਾਂ । ਅਜਿਹੀ ਸਥਿਤੀ ਵਿੱਚ ਸਮਝ ਨਹੀਂ ਲਗਦੀ ਕਿ ਫੋਨ ਨੂੰ ਕਿਵੇਂ ਚਾਰਜ ਕੀਤਾ ਜਾਵੇ। ਪਰ ਤੁਹਾਨੂੰ ਇੰਨੀ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ। ਇੱਥੇ ਅਸੀਂ ਤੁਹਾਨੂੰ ਇੱਕ ਅਜਿਹੇ ਟ੍ਰਿਕ ਬਾਰੇ ਦੱਸਾਂਗੇ ਜਿਸ ਨਾਲ ਤੁਹਾਡਾ ਫ਼ੋਨ ਬਿਨਾਂ ਕਿਸੇ ਚਾਰਜਰ ਜਾਂ ਪਾਵਰ ਬੈਂਕ ਤੋਂ ਚਾਰਜ ਹੋ ਜਾਵੇਗਾ। ਇਸਦੇ ਲਈ, ਤੁਹਾਡੇ ਫੋਨ ਤੋਂ ਇਲਾਵਾ, ਤੁਹਾਨੂੰ ਇੱਕ ਹੋਰ ਫੋਨ ਦੀ ਜ਼ਰੂਰਤ ਹੋਏਗੀ। ਇਸ ਤੋਂ ਬਾਅਦ ਤੁਸੀਂ ਆਪਣੇ ਫੋਨ ਨੂੰ ਚਾਰਜ ਕਰ ਸਕੋਗੇ।

ਫੋਨ ਤੋਂ ਫੋਨ ਨੂੰ ਕਿਵੇਂ ਚਾਰਜ ਕਰਨਾ ਹੈ?
ਜੇਕਰ ਤੁਸੀਂ ਦੋ ਸਮਾਰਟਫੋਨ ਵਰਤਦੇ ਹੋ ਅਤੇ ਉਨ੍ਹਾਂ ‘ਚੋਂ ਇਕ ਐਂਡ੍ਰਾਇਡ ਹੈ ਤਾਂ ਤੁਹਾਡਾ ਕੰਮ ਹੋ ਜਾਵੇਗਾ। ਬਾਜ਼ਾਰ ‘ਚ ਆਉਣ ਵਾਲੇ ਲੇਟੈਸਟ ਸਮਾਰਟਫੋਨਸ ‘ਚ ਤੁਹਾਨੂੰ ਵਾਇਰਲੈੱਸ ਚਾਰਜਿੰਗ ਦਾ ਵਿਕਲਪ ਮਿਲਦਾ ਹੈ। ਜੇਕਰ ਤੁਹਾਡਾ ਫ਼ੋਨ ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ, ਤਾਂ ਫ਼ੋਨ ਦੀ ਸੈਟਿੰਗ ‘ਚ ਜਾਓ। ਸੈਟਿੰਗਾਂ ‘ਚ ਦਾਖਲ ਹੋਣ ਤੋਂ ਬਾਅਦ, ਥੋੜ੍ਹਾ ਹੇਠਾਂ ਸਕ੍ਰੋਲ ਕਰੋਗੇ, ਤਾਂ ਤੁਹਾਨੂੰ ਬੈਟਰੀ ਵਿਕਲਪ ਦਿਖਾਈ ਦੇਵੇਗਾ। ਬੈਟਰੀ ਵਿਕਲਪ ‘ਤੇ ਕਲਿੱਕ ਕਰੋ। ਬੈਟਰੀ ‘ਤੇ ਕਲਿੱਕ ਕਰਨ ਤੋਂ ਬਾਅਦ, ਚਾਰਜਿੰਗ ਸੈਟਿੰਗਜ਼ ਵਿਕਲਪ ‘ਤੇ ਕਲਿੱਕ ਕਰੋ। ਇੱਥੇ ਤੁਹਾਨੂੰ ਲਾਸਟ ਤੇ ਰਿਵਰਸ ਵਾਇਰਲੈੱਸ ਚਾਰਜਿੰਗ ਦਾ ਵਿਕਲਪ ਦਿਖਾਈ ਦੇਵੇਗਾ। ਰਿਵਰਸ ਵਾਇਰਲੈੱਸ ਚਾਰਜਿੰਗ ਦੇ ਵਿਕਲਪ ਨੂੰ ਇਨੇਬਲ ਕਰੋ। ਇਸ ਤੋਂ ਬਾਅਦ ਤੁਹਾਡਾ ਕੰਮ ਪੂਰਾ ਹੋ ਜਾਵੇਗਾ।

ਇਹ ਵੀ ਪੜ੍ਹੋ…ਸਿਰਫ 15 ਮਿੰਟ ‘ਚ ਇਨਸਾਨ ਨੂੰ ਧੋ ਦੇਵੇਗੀ ਇਹ ਅਨੋਖੀ ਵਾਸ਼ਿੰਗ ਮਸ਼ੀਨ…


ਇਸ ਤੋਂ ਬਾਅਦ ਤੁਹਾਨੂੰ ਟੇਬਲ ‘ਤੇ ਇਕ ਫੋਨ ਉਲਟਾ ਰੱਖੋ ਅਤੇ ਦੂਜਾ ਫ਼ੋਨ ਇਸਦੇ ਉੱਪਰ ਰੱਖੋ। ਹੁਣ ਤੁਹਾਡਾ ਫ਼ੋਨ ਚਾਰਜ ਹੋਣਾ ਸ਼ੁਰੂ ਹੋ ਜਾਵੇਗਾ। ਇਸ ਪ੍ਰਕਿਰਿਆ ਨੂੰ ਪਾਵਰ ਸ਼ੇਅਰ ਫੀਚਰ ਵੀ ਕਿਹਾ ਜਾਂਦਾ ਹੈ। ਇਸ ਦਾ ਨਾਮ ਤੋਂ ਹੀ ਪਤਾ ਚਲਦਾ ਹੈ ਕਿ ਇਹ ਇੱਕ ਡਿਵਾਈਸ ਤੋਂ ਦੂਜੇ ਡਿਵਾਈਸ ਵਿੱਚ ਪਾਵਰ ਭੇਜ ਸਕਦਾ ਹੈ। ਤੁਹਾਨੂੰ ਇਹ ਵਿਸ਼ੇਸ਼ਤਾ ਜ਼ਿਆਦਾਤਰ ਐਂਡਰਾਇਡ ਸਮਾਰਟਫ਼ੋਨਾਂ ਵਿੱਚ ਮਿਲਦੀ ਹੈ। ਇਹ ਵਿਸ਼ੇਸ਼ਤਾ Samsung S23 ਅਤੇ ਬਾਅਦ ਦੇ ਸਾਰੇ ਮਾਡਲਾਂ ਵਿੱਚ ਪ੍ਰਦਾਨ ਕੀਤੀ ਗਈ ਹੈ।

ਤੁਸੀਂ ਐਮਰਜੈਂਸੀ ਵਿੱਚ ਇਸ ਟ੍ਰਿਕ ਦੀ ਵਰਤੋਂ ਕਰ ਸਕਦੇ ਹੋ। ਨਿਯਮਤ ਤੌਰ ‘ਤੇ, ਤੁਹਾਨੂੰ ਆਪਣੇ ਫ਼ੋਨ ਨੂੰ ਸਿਰਫ਼ ਚਾਰਜਰ ਨਾਲ ਚਾਰਜ ਕਰਨਾ ਚਾਹੀਦਾ ਹੈ। ਨਹੀਂ ਤਾਂ ਇਹ ਬੈਟਰੀ ਨੂੰ ਖਰਾਬ ਕਰ ਸਕਦਾ ਹੈ।