ਹੁਣ WhatsApp Status ਤੇ ਵੀ Add ਕਰ ਸਕਦੇ ਹੋ ਗਾਣਾ, ਆ ਗਿਆ ਨਵਾਂ ਫੀਚਰ

ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਆਪਣੇ ਯੂਜ਼ਰਸ ਦੀ ਸਹੂਲਤ ਲਈ ਹਰ ਰੋਜ਼ ਨਵੇਂ ਫੀਚਰ ਲੈ ਕੇ ਆਉਂਦਾ ਹੈ। WhatsApp ਨਵੀਆਂ-ਨਵੀਆਂ ਚੀਜ਼ਾਂ ‘ਤੇ ਕੰਮ ਕਰਦਾ ਰਹਿੰਦਾ ਹੈ। ਮੈਸੇਜਿੰਗ ਐਪ ਹਰ ਵਾਰ ਯੂਜ਼ਰਸ ਦੇ ਐਕਸੀਪੀਰੀਐਂਸ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਲਗਾਤਾਰ ਨਵੀਆਂ ਵਿਸ਼ੇਸ਼ਤਾਵਾਂ ਦੀ ਜਾਂਚ ਕਰ ਰਹੀ ਹੈ। ਇਸ ਦੇ ਬੀਟਾ ਵਰਜ਼ਨ ‘ਚ ਅਜਿਹੇ ਹੀ ਇਕ ਫੀਚਰ ਦੀ ਟੈਸਟਿੰਗ ਚੱਲ ਰਹੀ ਹੈ। ਜਿਸ ‘ਚ ਯੂਜ਼ਰਸ WhatsApp ਸਟੇਟਸ ਤੇ ਗਾਣੇ ਐਡ ਕਰ ਸਕਦੇ ਹਨ ਜਿਵੇਂ ਇੰਸਟਾਗ੍ਰਾਮ ਸਟੇਟਸ ‘ਤੇ ਗੀਤ ਐਡ ਕਰ ਸਕਦੇ ਹਨ। ਕੁਝ ਦਿਨ ਪਹਿਲਾਂ ਵਟਸਐਪ ਨੇ ਇੰਸਟਾਗ੍ਰਾਮ ਦੀ ਤਰ੍ਹਾਂ ਸਟੇਟਸ ‘ਚ Mention ਕਰਨ ਦਾ ਫੀਚਰ ਜੋੜਿਆ ਸੀ। ਹੁਣ ਇੰਸਟਾਗ੍ਰਾਮ ਦੀ ਤਰ੍ਹਾਂ ਤੁਸੀਂ ਸਟੇਟਸ ‘ਤੇ ਗੀਤ ਵੀ ਲਾ ਸਕੋਗੇ।

ਫਿਲਹਾਲ ਇਸ ਫੀਚਰ ਨੂੰ ਐਂਡ੍ਰਾਇਡ 2.25.2.5 ਲਈ WhatsApp ਬੀਟਾ ‘ਤੇ ਟੈਸਟ ਕੀਤਾ ਜਾ ਰਿਹਾ ਹੈ। ਇਹ ਵਿਸ਼ੇਸ਼ਤਾ ਸਿਰਫ਼ ਕੁਝ ਚੁਣੇ ਹੋਏ ਬੀਟਾ ਉਪਭੋਗਤਾਵਾਂ ਲਈ ਉਪਲੱਬਧ ਹੈ।

ਵਟਸਐਪ ‘ਤੇ ਗਾਣੇ ਸ਼ਾਮਲ ਕਰੋ
WABetainfo ਦੇ ਮੁਤਾਬਕ, ਇਹ ਫੀਚਰ ਫਿਲਹਾਲ ਟੈਸਟਿੰਗ ਪੜਾਅ ‘ਚ ਹੈ। ਬੀਟਾ ਯੂਜ਼ਰਸ ਇਸ ਦੀ ਵਰਤੋਂ ਕਰ ਰਹੇ ਹਨ। ਸਟੇਟਸ ‘ਤੇ ਜਾ ਕੇ ਤੁਹਾਨੂੰ ਡਰਾਇੰਗ ਐਡੀਟਰ ‘ਚ ਨਵਾਂ ਆਪਸ਼ਨ ਮਿਲੇਗਾ। ਤੁਸੀਂ ਮੈਟਾ ਦੇ ਸੰਗੀਤ ਕੈਟਾਲਾਗ ਤੋਂ ਗੀਤਾਂ ਨੂੰ ਬ੍ਰਾਊਜ਼ ਕਰਨ ਦੇ ਯੋਗ ਹੋਵੋਗੇ। ਇਹ ਉਸੇ ਤਰ੍ਹਾਂ ਕੰਮ ਕਰੇਗਾ ਜਿਵੇਂ ਇੰਸਟਾਗ੍ਰਾਮ ਫੀਚਰ ਕੰਮ ਕਰਦਾ ਹੈ। ਇੰਸਟਾਗ੍ਰਾਮ ਦੀ ਸੰਗੀਤ ਲਾਇਬ੍ਰੇਰੀ ਦੀ ਤਰ੍ਹਾਂ ਤੁਸੀਂ WhatsApp ਦੇ ਸੰਗੀਤ ਕੈਟਾਲਾਗ ਵਿਕਲਪ ਦੀ ਵਰਤੋਂ ਕਰ ਕੇ ਕੋਈ ਵੀ ਗੀਤ ਚੁਣ ਸਕਦੇ ਹੋ। ਇਸ ਵਿੱਚ ਤੁਹਾਨੂੰ ਵੱਖਰੇ ਟ੍ਰੈਂਡਿੰਗ ਟਰੈਕ ਅਤੇ ਆਰਟਿਸਟ ਸੈਕਸ਼ਨ ਅਲੱਗ-ਅਲੱਗ ਮਿਲਣਗੇ। ਜਿਸ ਤੋਂ ਤੁਸੀਂ ਆਪਣੀ ਮਰਜ਼ੀ ਮੁਤਾਬਕ ਗੀਤ ਸਰਚ ਕਰ ਸਕੋਗੇ।

ਇਹ ਵੀ ਪੜ੍ਹੋ…ਘੰਟਿਆਂਬੱਧੀ ਫੋਨ ਦੇਖਣ ਵਾਲੇ ਬੱਚਿਆਂ ਲਈ ਮਿਸਾਲ ਹਨ Elon Musk, ਦਿਨ ਭਰ ‘ਚ ਚਲਾਉਂਦੇ ਹਨ ਸਿਰਫ਼ 1 ਮਿੰਟ ਫੋਨ

Whatsapp ਸਟੇਟਸ Mention
WhatsApp ਸਟੇਟਸ ‘ਤੇ Mention ਫੀਚਰ ਦੀ ਵਰਤੋਂ ਕਰਨ ਲਈ ਤੁਹਾਨੂੰ ਜ਼ਿਆਦਾ ਕੁਝ ਕਰਨ ਦੀ ਲੋੜ ਨਹੀਂ ਹੈ। ਬਸ ਆਪਣੀ WhatsApp ਸਟੇਟਸ ‘ਤੇ ਹੇਠਾਂ ਦਿਖਾਏ ਟੈਕਸਟ ਬਾਕਸ ਵਿੱਚ @ ‘ਤੇ ਕਲਿੱਕ ਕਰੋ। ਸੰਪਰਕਾਂ ਦੀ ਪੂਰੀ ਸੂਚੀ (Contact List) ਖੁੱਲ੍ਹ ਜਾਵੇਗੀ। ਹੁਣ ਤੁਸੀਂ ਆਪਣੇ ਸਟੇਟਸ ‘ਤੇ ਜਿਸ ਨੂੰ ਚਾਹੋ ਉਸ ਨੂੰ Mention ਕਰ ਸਕਦੇ ਹੋ। Mention ਕੀਤਾ ਸੰਪਰਕ ਹਰ ਕਿਸੇ ਨੂੰ ਦਿਖਾਈ ਨਹੀਂ ਦੇਵੇਗਾ। ਸਿਰਫ ਜਿਸਨੂੰ ਤੁਸੀਂ Mention ਕਰ ਰਹੇ ਹੋ ਉਸ ਕੋਲ ਹੀ ਦਿਖਾਈ ਦੇਵੇਗਾ।