Honda ਨੇ ਲੜਕੀਆਂ ਲਈ ਬਾਜ਼ਾਰ ‘ਚ ਉਤਾਰਿਆ ਬੇਹੱਦ ਸਟਾਈਲਿਸ਼ ਸਕੂਟਰ, ਕੀਮਤ ਵੀ ਬਜਟ ‘ਚ

ਹੌਂਡਾ ਨੇ ਨਵੇਂ ਸਾਲ ‘ਚ ਆਪਣੀਆਂ ਮੌਜੂਦਾ ਬਾਈਕਸ ਅਤੇ ਸਕੂਟਰਾਂ ਨੂੰ ਅਪਡੇਟ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਕੰਪਨੀ ਨੇ ਆਪਣੇ ਸਭ ਤੋਂ ਸਟਾਈਲਿਸ਼ ਸਕੂਟਰ Dio ਨੂੰ ਵੀ ਨਵੇਂ ਫੀਚਰਸ ਨਾਲ ਅਪਡੇਟ ਕੀਤਾ ਹੈ। ਪਿਛਲੇ ਵਰਜ਼ਨ ਦੀ ਤੁਲਨਾ ‘ਚ ਇਸ ‘ਚ ਕੁਝ ਬਦਲਾਅ ਕੀਤੇ ਗਏ ਹਨ, ਨਾਲ ਹੀ ਇਸ ‘ਚ ਕੁਝ ਵਧੀਆ ਫੀਚਰਸ ਵੀ ਸ਼ਾਮਲ ਕੀਤੇ ਗਏ ਹਨ। ਡੀਓ ਸਕੂਟਰ ਨੂੰ ਖਾਸ ਤੌਰ ‘ਤੇ ਲੜਕੀਆਂ ਨੂੰ ਧਿਆਨ ‘ਚ ਰੱਖ ਕੇ ਡਿਜ਼ਾਈਨ ਕੀਤਾ ਗਿਆ ਹੈ। ਆਓ ਜਾਣਦੇ ਹਾਂ ਇਸ ਵਿੱਚ ਕੀ ਕੁਝ ਨਵਾਂ ਦੇਖਣ ਨੂੰ ਮਿਲੇਗਾ…

ਨਵੇਂ ਡਿਓ ‘ਚ ਇਹ ਖਾਸ ਫੀਚਰਸ ਮਿਲਣਗੇ
2025 Honda Dio ਸਕੂਟਰ ਵਿੱਚ ਰਾਈਡਰ ਦੀ ਸਹੂਲਤ ਲਈ ਇੱਕ ਟਾਈਪ C- USB ਚਾਰਜਿੰਗ ਪੋਰਟ ਹੋਵੇਗਾ। ਇਸ ਦੇ ਨਾਲ ਹੀ ਇਸ ‘ਚ 4.2 ਇੰਚ ਦੀ TFT ਡਿਸਪਲੇਅ, ਮਾਈਲੇਜ ਇੰਡੀਕੇਟਰ, ਟ੍ਰਿਪ ਮੀਟਰ ਅਤੇ ਈਕੋ ਇੰਡੀਕੇਟਰ ਵਰਗੇ ਫੀਚਰਸ ਵੀ ਨਜ਼ਰ ਆ ਰਹੇ ਹਨ। ਇਸ ਸਕੂਟਰ ਦੇ ਟਾਪ ਵੇਰੀਐਂਟ ‘ਚ ਅਲਾਏ ਵ੍ਹੀਲ ਸ਼ਾਮਲ ਕੀਤੇ ਗਏ ਹਨ। ਹੁਣ ਤੁਸੀਂ ਇਸ ਸਕੂਟਰ ਨੂੰ ਨਵੇਂ ਰੰਗਾਂ ‘ਚ ਖਰੀਦ ਸਕਦੇ ਹੋ।

ਕਿਫ਼ਾਇਤੀ ਇੰਜਣ
ਪ੍ਰਦਰਸ਼ਨ ਲਈ 2025 Honda Dio ਵਿੱਚ 110cc ਇੰਜਣ (PGM-Fi) ਹੈ ਜੋ 5.85kW ਦੀ ਪਾਵਰ ਅਤੇ 9.03Nm ਦਾ ਟਾਰਕ ਪ੍ਰਦਾਨ ਕਰਦਾ ਹੈ। ਇਹ ਸਕੂਟਰ OBD2B ਅਨੁਕੂਲ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਨਵਾਂ ਸਕੂਟਰ ਹਰ ਸੀਜ਼ਨ ‘ਚ ਬਹੁਤ ਵਧੀਆ ਪ੍ਰਦਰਸ਼ਨ ਕਰਦਾ ਹੈ।

ਕੀਮਤ ਅਤੇ ਵੇਰੀਐਂਟ
ਨਵੀਂ ਡੀਓ ਨੂੰ ਦੋ ਵੇਰੀਐਂਟ ‘ਚ ਲਿਆਂਦਾ ਗਿਆ ਹੈ। ਇਸਦੇ STD ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 74930 ਰੁਪਏ ਰੱਖੀ ਗਈ ਹੈ, ਜਦੋਂ ਕਿ DLX ਨੂੰ ਟਾਪ ਵੇਰੀਐਂਟ ਵਜੋਂ ਪੇਸ਼ ਕੀਤਾ ਗਿਆ ਹੈ ਅਤੇ ਇਸਦੀ ਐਕਸ-ਸ਼ੋਰੂਮ ਕੀਮਤ 85648 ਰੁਪਏ ਰੱਖੀ ਗਈ ਹੈ। ਨਵੀਂ ਡੀਓ ਦਾ ਸਿੱਧਾ ਮੁਕਾਬਲਾ TVS Zest 110 ਨਾਲ ਹੋਵੇਗਾ।

ਇਹ ਵੀ ਪੜ੍ਹੋ…ਲਗਜ਼ਰੀ ਕਾਰਾਂ ਬਣਾਉਣ ਵਾਲੀ ਇਹ ਕੰਪਨੀ ਇਸ ਸਾਲ ਲਾਂਚ ਕਰੇਗੀ 8 ਨਵੀਆਂ ਗੱਡੀਆਂ

Hero Pleas+ 110 XTec ਮਿਲੇਗੀ ਕੜੀ ਟੱਕਰ
Honda ਦਾ ਨਵਾਂ Dio ਸਕੂਟਰ Hero Pleasure+ 110 XTec ਨਾਲ ਸਿੱਧਾ ਮੁਕਾਬਲਾ ਕਰੇਗਾ। ਇਸ ਸਕੂਟਰ ਵਿੱਚ 110cc ਇੰਜਣ ਹੈ ਜੋ 8 BHP ਦੀ ਪਾਵਰ ਅਤੇ 8.7Nm ਦਾ ਟਾਰਕ ਦਿੰਦਾ ਹੈ। ਇਹ ਇੰਜਣ ਸ਼ਹਿਰ ਅਤੇ ਹਾਈਵੇ ‘ਤੇ ਬਹੁਤ ਵਧੀਆ ਪਰਫਾਰਮੈਂਸ ਦਿੰਦਾ ਹੈ। ਇਸ ਦੀ ਪ੍ਰੋਜੈਕਟਰ ਹੈੱਡ ਲਾਈਟ ਰਾਤ ਨੂੰ ਵਧੀਆ ਰੋਸ਼ਨੀ ਪ੍ਰਦਾਨ ਕਰਦੀ ਹੈ। ਇਸ ਦੀ ਸੀਟ ਦੇ ਹੇਠਾਂ ਡਿੱਗੀ ਵਿੱਚ ਤੁਹਾਨੂੰ ਚੰਗੀ ਜਗ੍ਹਾ ਮਿਲੇਗੀ। ਇਸ ਦੀ ਸੀਟ ‘ਤੇ ਬੈਕਰੇਸਟ ਵੀ ਦਿੱਤਾ ਗਿਆ ਹੈ, ਜਿਸ ਨਾਲ ਪਿੱਛੇ ਬੈਠਾ ਵਿਅਕਤੀ ਆਰਾਮ ਨਾਲ ਬੈਠ ਸਕਦਾ ਹੈ। ਦਿੱਲੀ ‘ਚ ਇਸ ਦੀ ਐਕਸ-ਸ਼ੋਅ ਰੂਮ ਕੀਮਤ 68 ਹਜ਼ਾਰ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।