Samsung S25 ਸੀਰੀਜ਼ ਲਾਂਚ, Apple iPhone 16 ਨੂੰ ਦੇਵੇਗਾ ਟੱਕਰ

ਅੱਜ ਸੈਮਸੰਗ ਨੇ ਆਪਣੀ ਮੋਸਟ ਅਵੇਟੇਡ Samsung Galaxy S25 ਸੀਰੀਜ਼ ਲਾਂਚ ਕੀਤੀ ਹੈ। ਕੰਪਨੀ ਨੇ ਸਮਾਰਟਫੋਨ ‘ਚ AI ਫੀਚਰਸ ਨੂੰ ਇੰਟੀਗ੍ਰੇਟ ਕੀਤਾ ਹੈ। ਸਮਾਰਟਫੋਨ ਤੋਂ ਇਲਾਵਾ ਸੈਮਸੰਗ ਨੇ XR ਹੈੱਡਸੈੱਟ ਨੂੰ ਵੀ ਲਾਂਚ ਕੀਤਾ ਹੈ। ਤੁਹਾਨੂੰ ਪ੍ਰੀਮੀਅਮ ਸੀਰੀਜ਼ Galaxy S25 ਵਿੱਚ AI-ਪਾਵਰਡ ਵਿਸ਼ੇਸ਼ਤਾਵਾਂ ਦੇ ਨਾਲ ਇੱਕ ਤੋਂ ਵੱਧ ਕੇ ਇੱਕ ਫੀਚਰ ਮਿਲ ਰਹੇ ਹਨ।

AI-ਪਾਵਰਡ Samsung Galaxy S25 ਸੀਰੀਜ਼
Samsung Galaxy S25 ਸੀਰੀਜ਼ ਵਿੱਚ Samsung Galaxy S25, Samsung Galaxy S25 Plus ਅਤੇ Galaxy S25 Ultra ਸ਼ਾਮਲ ਹਨ। ਇਹ ਡਿਵਾਈਸ Snapdragon 8 Elite ਚਿੱਪਸੈੱਟ ਨਾਲ ਲੈਸ ਹਨ। ਇਸ ‘ਚ ਤੁਹਾਨੂੰ AI ਫੀਚਰਸ ਦਾ ਸਪੋਰਟ ਦਿੱਤਾ ਗਿਆ ਹੈ। S25 ਸੀਰੀਜ਼ ਵਿੱਚ One UI 7 ਉਪਲੱਬਧ ਹੋਵੇਗਾ ਜਿਸ ਵਿੱਚ Google Gemini ਨੂੰ ਏਕੀਕ੍ਰਿਤ ਕੀਤਾ ਗਿਆ ਹੈ। ਇਸ ਵਿੱਚ ਤੁਸੀਂ ਆਪਣੀ ਸਕਰੀਨ ਨੂੰ ਕਸਟਮਾਈਜ਼ ਕਰ ਸਕੋਗੇ। ਇਸ ਤੋਂ ਇਲਾਵਾ ਤੁਹਾਨੂੰ ਹੋਰ ਵੀ ਕਈ ਫੀਚਰਸ ਮਿਲਣਗੇ। ਇਸ ‘ਚ ਤੁਹਾਨੂੰ ਅਪਡੇਟਡ ਸਰਕਲ ਟੂ ਸਰਚ ਫੀਚਰ ਮਿਲ ਰਿਹਾ ਹੈ।

ਸੈਮਸੰਗ ਨੇ Bixby ਨੂੰ ਕੀਤਾ ਬੰਦ
ਕੰਪਨੀ ਨੇ Samsung Bixby ਨੂੰ ਬੰਦ ਕਰ ਦਿੱਤਾ ਹੈ। ਹੁਣ ਪਾਵਰ ਬਟਨ ਦਬਾਉਣ ‘ਤੇ Bixby ਦੀ ਬਜਾਏ Google Gemini ਓਪਨ ਹੋਵੇਗਾ। ਫਾਸਟ ਚਾਰਜਿੰਗ ਸਪੋਰਟ ਨਾਲ ਆਉਣ ਵਾਲੇ ਇਸ ਫੋਨ ਦੀ ਬੈਟਰੀ ਸ਼ਾਨਦਾਰ ਹੈ। ਇਸ ਤੋਂ ਇਲਾਵਾ ਉੱਚ ਗੁਣਵੱਤਾ ਵਾਲੀ ਡਿਸਪਲੇ ਦਿੱਤੀ ਗਈ ਹੈ।

ਸੈਮਸੰਗ ਗਲੈਕਸੀ S25 ਸੀਰੀਜ਼ ‘ਚ ਕੈਮਰਾ

ਫੋਟੋ-ਵੀਡੀਓ ਲਈ ਤੁਹਾਨੂੰ Galaxy S25 Ultra ਵਿੱਚ ਇੱਕ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਕੈਮਰਾ ਮਿਲ ਰਿਹਾ ਹੈ। Galaxy S25 Ultra ‘ਚ ਪ੍ਰਾਇਮਰੀ ਕੈਮਰਾ 200 ਮੈਗਾਪਿਕਸਲ ਦਿੱਤਾ ਗਿਆ ਹੈ। ਇਸ ਵਿੱਚ 50 ਮੈਗਾਪਿਕਸਲ ਅਲਟਰਾ-ਵਾਈਡ, 50 ਮੈਗਾਪਿਕਸਲ ਪੈਰੀਸਕੋਪ ਟੈਲੀਫੋਟੋ ਅਤੇ 10 ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਇਸ ‘ਚ ਤੁਹਾਨੂੰ ਕਈ ਨਵੇਂ ਫਿਲਟਰ ਵੀ ਮਿਲ ਰਹੇ ਹਨ।
ਨਵੀਂ ਸੀਰੀਜ਼ ‘ਚ ਤੁਹਾਨੂੰ ਲਾਈਵ ਵੀਡੀਓ ਫੀਚਰ ਮਿਲੇਗਾ। ਇਹ ਫ਼ੋਨ ‘ਤੇ ਤੁਹਾਡੀ ਐਕਟੀਵਿਟੀ ਨੂੰ ਦੇਖੇਗਾ ਅਤੇ ਉਸ ਦੇ ਆਧਾਰ ‘ਤੇ ਤੁਹਾਨੂੰ ਦੱਸੇਗਾ ਕਿ ਅੱਗੇ ਕੀ ਕਰਨਾ ਹੈ।

Galaxy AI
ਸੈਮਸੰਗ ਨੇ ਜਾਣਕਾਰੀ ਨੂੰ ਸੁਰੱਖਿਅਤ ਰੱਖਣ ਲਈ ਇੱਕ ਨਿੱਜੀ ਡਾਟਾ ਇੰਜਣ ਪੇਸ਼ ਕਰਨ ਦੀ ਯੋਜਨਾ ਸਾਂਝੀ ਕੀਤੀ ਹੈ। ਸੈਮਸੰਗ ਦਾ ਨਿੱਜੀ ਡੇਟਾ ਹਾਰਡਵੇਅਰ ਅਤੇ ਸਾਫਟਵੇਅਰ ਦਾ ਮਿਸ਼ਰਣ ਹੋਵੇਗਾ। ਇਹ ਡਿਵਾਈਸ ‘ਤੇ ਹੀ ਡੇਟਾ ਨੂੰ ਸੁਰੱਖਿਅਤ ਕਰੇਗਾ।

ਇਹ ਵੀ ਪੜ੍ਹੋ…ਹੁਣ WhatsApp Status ਤੇ ਵੀ Add ਕਰ ਸਕਦੇ ਹੋ ਗਾਣਾ, ਆ ਗਿਆ ਨਵਾਂ ਫੀਚਰ

Galaxy S25 ਸੀਰੀਜ਼ ਵਿੱਚ Now Bar
Now ਬਾਰ ਨੂੰ ਸਮਾਰਟਫੋਨ ਦੀ ਲੌਕ ਸਕ੍ਰੀਨ ਦੇ ਵਿਚਕਾਰ ਦਿੱਤਾ ਗਿਆ ਹੈ। ਇਹ ਆਈਫੋਨ ਦੇ ਡਾਇਨਾਮਿਕ ਆਈਲੈਂਡ ਵਰਗਾ ਦਿਸਦਾ ਹੈ। ਜਿਸ ਵਿੱਚ ਤੁਹਾਨੂੰ ਅਪਕਮਿੰਗ ਮੀਟਿੰਗ, ਸਕੋਰ ਅਤੇ ਰੀਅਲ-ਟਾਈਮ ਅਪਡੇਟਸ ਵਰਗੇ ਵੇਰਵੇ ਮਿਲਣਗੇ।

ਬੈਟਰੀ ਅਤੇ ਫਾਸਟ ਚਾਰਜਿੰਗ ਸੁਪੋਰਟ ?
ਤੁਹਾਨੂੰ Samsung Galaxy S25 ‘ਚ 4,000mAh ਦੀ ਬੈਟਰੀ ਮਿਲ ਰਹੀ ਹੈ। ਜੋ 25W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰੇਗਾ। ਤੁਹਾਨੂੰ Galaxy S25+ ਵਿੱਚ 45W ਫਾਸਟ ਚਾਰਜਿੰਗ ਸਪੋਰਟ ਮਿਲੇਗਾ। ਇਸ ‘ਚ ਤੁਹਾਨੂੰ 4,900mAh ਦੀ ਬੈਟਰੀ ਮਿਲ ਰਹੀ ਹੈ।

Samsung Galaxy S25 ਸੀਰੀਜ਼ ਦੀ ਕੀਮਤ ਅਤੇ ਸਟੋਰੇਜ
Samsung Galaxy S25 ਸੀਰੀਜ਼ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਇਸਦੀ ਸ਼ੁਰੂਆਤੀ ਕੀਮਤ US $799 (ਲਗਭਗ 69,000 ਰੁਪਏ) ਹੈ। ਬੇਸ ਵੇਰੀਐਂਟ 12GB ਰੈਮ ਅਤੇ 128GB ਸਟੋਰੇਜ ਆਪਸ਼ਨ ਦੇ ਨਾਲ ਆਉਂਦਾ ਹੈ। 12GB + 256GB ਵੇਰੀਐਂਟ ਦੀ ਕੀਮਤ US$859 ਹੈ (ਲਗਭਗ 74,300 ਰੁਪਏ)।

ਇਸ ਤੋਂ ਇਲਾਵਾ, Samsung Galaxy S25+ ਦੇ 12GB + 256GB ਸਟੋਰੇਜ ਵਿਕਲਪ ਵੇਰੀਐਂਟ ਦੀ ਕੀਮਤ US $999 (ਲਗਭਗ 86,400 ਰੁਪਏ) ਹੈ। ਜਦੋਂ ਕਿ 12GB + 512GB ਵੇਰੀਐਂਟ ਦੀ ਕੀਮਤ US $1,119 (ਕਰੀਬ 96,700 ਰੁਪਏ) ਹੈ।